|
|
连续两日唔得闲翻屋企食饭，就同同事去附近的越情牵搞掂中午果餐。佢地真系太令人失望。以下系我地的对话：
第一天就餐：
我：靓女，我地唔要艺洁的餐具，麻烦你换你地餐厅的碗筷俾我就得了（因为艺洁餐具要计钱，而且我地响唔同地方多次发现艺洁的餐具居然有饭粒和粉尘在包装好声称已清洗已消毒的餐具里面）
服务员：我地无其他餐具喔，统一用艺洁。
我同事：我地净系食碟头饭，你俾双筷子我得啦
服务员：我地真系净系得呢d餐具咋
……
果餐饭我地食得相当无瘾，就响我地快食完的时候，入左三个小妹妹，佢地饮茶的杯居然唔系艺洁既！！我相当气愤！！究竟系我同我同事个样似水鱼定系招呼我地既服务员业务唔熟悉呢？！？！
第二天就餐
因为越情牵就近公司，所以我地第二日都系去翻果度食饭。
我地今日继续做水鱼，继续被强制用艺洁的餐具。不幸的事情再次发生在我同事的身上。艺洁茶杯里头有黑色细条状物体，疑似烘干茶叶。（当时无啉过要写呢张贴，所以无影相）
我同事：靓女，有无搞错啊，你睇下。
服务员：（木无表情地）吓？唔关我树噶。（:am14： 呢个答复相当有意思）
我同事：（楞了一下）咁你又拿来俾我？
服务员：都系咁噶啦，呢d系统一配送噶……（我觉得呢个服务员对类似事件已经见惯不怪了）
我同事：你拿得出来俾客人用就要确保卫生先得噶，我有俾钱噶。
服务员一句话都无声，拿走只邋遢杯，响里头拿左一只昨天我地见到俾果三个小朋友用的果种玻璃杯出来。完全唔道歉喔。我地赶住食完翻公司，所以无同佢地理论。但系我地啉以后唔会再帮衬佢地了。
另外，响我地入去食饭之前隔离台已经叫左一个冬瓜火锅，到我地食完饭为止，个火锅滚都未滚过，我地准备走的时候听到果张台既人话：车，原来无左火啊个炉。成半个钟头都未滚，居然无服务员觉得奇怪，无人过来睇下，你话呢d咩服务态度吖？
好老实讲句，越情牵d野味道系唔错，够锅气，但系味精太重。最衰系服务态度差，服务员d多唔专业。我以后就唔会再帮衬噶喇。其实三水中餐一向都几好既，好多其他地方的人都上三水搵好野食，但系服务员质素实在普遍偏低，大家如果有相同感受，相识经历就发下言啦，大家都希望三水越来越好噶嘛 |
|
狗仔卡
发表于 2009-2-7 14:02
变色卡
抢沙发
