|
|
本帖最后由 淼城人 于 2014-10-29 00:19 编辑
谐趣粤调童谣，有边几首系你细个果阵唱过咖？:P
勾起你几多童年回忆？:D :D
粤调音嘅字唔易输入……:loveliness:
• 月光光，照地堂；年卅晚，摘檳榔；檳榔香，嚼子薑；子薑辣，買蒲達；蒲達苦，買豬肚；豬肚肥，買牛皮；牛皮薄，買菱角；菱角尖，買馬鞭；馬鞭長，起屋樑；屋樑高，買張刀；刀切菜，買籮蓋；籮蓋圓，買條船；船浸底，浸親兩個番鬼仔；一個蒲頭，一個浸底；一個摸茨菇，一個摸馬蹄。
• 月光光，照地堂，蝦仔你乖乖瞓落床，聽朝亞爹要捕魚蝦囉，亞嫲織網要織到天光。
• 點蟲蟲，蟲蟲飛，飛到荔枝基；荔枝熟，摘邊[buk9]，邊buk9啖啖肉。
• 荔枝熟，摘滿屋；屋滿紅，伴住個細蚊公。
• 排排坐，食粉果；豬拉柴，狗透火；貓兒擔凳姑婆坐；坐埋一齊唱支歌。
• 凼凼轉，菊花園；炒米餅，糯米團；五月初五係龍舟節啊，亞媽佢叫我去睇龍船；我唔唔去睇，要去睇雞仔；雞仔大，搦去賣；賣咗幾多錢？賣咗幾多隻啊？我買隻風車仔，佢轉得好好睇，睇佢凼凼轉啊菊花園，睇佢凼凼轉啊凼凼轉啊轉。
• ABCD，大頭綠衣；捉人唔到，吹BB。
• 落雨大，水浸街，阿哥擔柴上街賣，阿嫂出街着花鞋，花鞋花襪花腰帶，珍珠蝴蝶兩邊排。
• 賣懶去，買精歸，賣左懶仔過新年，食過年飯好種田。
• 賣懶，賣懶，賣到年三十晚，人懶我唔懶。
• 細蚊仔，soe4滑梯，因住跌落嚟；咪學陳德貴，成日流鼻涕，跌親籮柚唔好睇。
• 河邊有隻羊，羊邊有隻象，象邊有隻馬騮仔，好似你噉樣。
• 咬蔗須，要睇毛，短毛輸，長毛贏，冇毛唔算數。
• 搣開柑，數柑核，邊個核多就邊個贏，唔准手賴就縮骨。
• 拍大骳，唱山歌，人人話我冇老婆，扚起心肝娶翻個，有錢娶個嬌嬌女，冇錢娶個豆皮婆，豆皮婆，食飯食得多，屙屎屙兩籮，屙尿沖大海，屙屁打銅鑼。
• 呈沉剪，呈沉包，呈沉糯米叉燒包。老鼠唔食香口膠，要食豆沙包。
• 伏匿匿：一就預備，二就匿埋，三就開盤，四就嚟到，baang4]到算.
• 掟磚頭，鬥大嚿，一掟掟到西門口，濺起浪花拋浪頭。
• 點指兵兵，點指賊賊，點著誰人做大兵，點著誰人做大賊。
• 估手指，要估中，邊個唔中，就唔中用，褲浪底見個窿。
• 騎牛牛，牛牛走，牛牛響前咪回頭，若然回頭就打籮柚。
• 大眼雞，鹹魚頭，你屙尿，唔洗手。
• 咕碌咕碌一，咕碌咕碌二，咕碌咕碌三，準備開炮打敵人！
• 董存瑞，十八歲，為國犧牲炸堡壘，炸到堡壘ngok7 ngok7脆，全國人民流眼淚。
• 轆銅仙，打銅錢，全憑眼界手出變，叮響銅錢畀個仙。
• 打泥炮，泥炮響，唔使摣槍上戰場。
• 折紙機，麻鷹飛，飛嚟飛去唔落地，麻鷹有條尾。
• 咚啄，酸薑，你亞嫲，纏腳娘。
• 趌跛跛，跳跳腳，咚咚咚，上跳下跳似麻雀。
• 趌跛跛，跛咗蹄，冇米煮，煮泥沙，冇屋住，住樓梯，樓梯有只鬼，嚇到你gyun1]落床下底。
• 伸長手，頂手掌，死人都要頂硬上，ji1牙baang6哨就貓噉樣。
• 劈友，劈友，快啲，走得快，好世界，走得嚤，冇鼻哥。
• 鬥遠掟石頭，因住咪甩手，石頭最冇眼，掟親唔好眼淚流。
• 花手巾，真引人，基邊撈魚好過癮，一兜一條好手運，千祈唔好踎到你頭暈。
• 黐塘mei1，塘mei1飛，飛到菜田基，田基有條蛇，嚇親你兩仔爺。
• 煮飯仔仔先落米，風爐透火柴對齊，千祈唔好咁laa2 sai1，我哋系細蚊仔。
• 一人騎膊馬，兩人騎豬乸，三步要埋頭，撞到面就打。
• 紅辣椒，綠辣椒，平時你caak8/caat8]嘴miu2 miu2，今日你冇膽同我撩。
• 鬼叫你咁貪心，聞咗我個屁，嗍咗入個鼻，我要你賠翻二兩四。
• mei6水底，摸泥沙，摸到泥沙當金龜，摸唔到系契弟。
• 陳德貴，住得矮，床下底有只鬼，嚇到gyun1臺底。
• 一二三，三二一，肥婆跳舞頂第一！
• 過天梯，haa1/hap7矮仔，人在雲東過到西，唔怕米貴就最怕矮。
• 黑面李逵，紅面關公，三國水滸亂saai3 lung4，打敗清兵系英雄。
• 打棋子，靠眼屎，全憑眼界靠本事，唔好睇錯認鳩屎。
• 乞兒仔，畫烏龜，一人一筆咪亂嚟，最後嗰個正衰仔！
• 大笨象，摣支槍，去打仗，打完仗，翻嚟食碗鹹酸薑。
• 鋼盔個大頭佛，着鞋就唔着襪。
• 有隻雀仔跌落水，跌落水，有隻雀仔跌落水，被水沖去。
• 肥仔個頭，大過五層樓，肥仔隻手，細過荷蘭豆。 |
-
|
狗仔卡
发表于 2014-10-29 00:17
变色卡
抢沙发
楼主
