|
|
本帖最后由 丰 于 2017-12-13 16:09 编辑
5月28日一早，BB发烧38度3，一大早我就带佢去楼下防保睇医生，打针食药后返到屋企出佐一身汗，退佐烧以为佢冇事好返啦，点知到下午5点佢爸爸落班返来又发烧38度2，成晚帮佢擦身、饮水！
第二天29日一早，又带佢去人医睇，当时体温37度8，医生只系开佐啲药，到佐下午，又烧到38度半，又落楼下验血、打针，验血结果正常，返屋企又出佐一大身汗，又退佐烧，但系我知道唔会噤简单，打嘅针同第一次一样，而且我问医生咩原因发烧，佢竟然讲唔出来。不出所料，凌晨4点，仔仔又烧到38度半！！安慰嘅系BB一直冇哭冇闹，好似平常噤乖，仲会对住我笑，但系佢精神好差。发烧反复，我谂佢一定要入院噶，但佢婆婆话唔使噤严重，又话去防保睇其他医生，超晕！
30日一早，BB爸爸请佐个假，又带佢去人医睇，今次医生认为要入院，我十分同意啦。搞佐入院手续，上到儿科病房，医生帮佢检查两个可能，1、喉炎引起，2、脑炎引起，但一切都要检查出来先知结果，吓得我呀~~~医生话现在先打退烧针，护士帮佢响手留置针头，BB喊得好犀利，第一次见佢喊得噤惨噶~~4个几月嘅BB血管好细，尼一针来回插佐几次，心痛到我都喊佐出来。又抽佐一大支血去化验，块面即时黄晒，脸无血色。
返到病床开始吊针，吊完三瓶，其中一瓶系振静剂，因为下午要做CT，脑部扫描（查发烧原因）！！噤细个嘅BB就要受苦，比我生佢出来仲要凄凉，爷爷、嫲嫲、婆婆、仲有响广州嘅姨妈都返来见到阳阳变晒样，我哋个个都心痛死啦，烧当晚就退佐啦。
检验结果要到第二日31日出来。但系BB爸爸一直追问结果，如果真系脑炎我哋打算转去广州儿童医院，验血结果一项项噤出来，白血球低、营养不良！其余一切正常。31日下午6点，CT结果出来，一切正常，只系脑发育延慢，医生解释动作方面。晕~~一个月阳阳就识得同人倾计、三个月抬头比其他同龄嘅BB要高、三个几月就识得自己转身啦，噤都叫慢？？真系单靠一张图来判断太武断啦，不过知道仔冇事，都放心啲。
发烧原因就系喉炎引起噶，一直留院到6月2日，BB病情好传，脸色回复返以前一样，日日都要吊三瓶针。医生冇打算比佢出院，因为前两日隔离床来佐个肺炎严重嘅BB（睇见佢好可怜！兔唇、又有肺炎、8个月先15斤，我仔4个月都有14斤啦而且仲唔够重添！！）为免传染就办出院啦。
经过今次，真系要再加倍照顾好个仔呀，其她妈咪都要注意，BB受苦，自己苦上加苦！尼几日辛苦晒BB嘅爷爷嫲嫲、二伯、公公婆婆仲有广州嘅姨妈啦。 |
|
狗仔卡
发表于 2008-6-3 13:23
变色卡
抢沙发
楼主
