真系有无D女人甘无理取闹咖???

JOHNNIE-WALKER · 发表于 2008-5-27 23:11

:lol
男：今晚你想食乜嘢？
女：是但啦！！你话事吖.
男：去食麻辣烫吖.
女：天气咁热.你想热死我啊??
男：咁去食水煮鱼吖.好耐无食过喇.
女：我前两日先食过，成日食好热气.
男：咁去食泰国嘢或者韩国烧烤好唔好？？
女：都话咗热气啦，仲要我食哩Ｄ嘢，你有无心听我讲嘢架!
男：咁去POKKA好唔好？？果度Ｄ SET DINNER都几好食.
女：POKKA好多人，唔想排队
男：咁去鋸排好唔好？？
女：唔想食咁多肉，好肥架.
男：无人叫你食晒件排，或者妳叫碟意粉又或者其他嘢都得架
女：咁咪即係叫我睇住你鋸排，我唔食你都唔准食．
男：...........
男：咁食台湾嘢好唔好？
女：台湾嘢好多油，好肥架
男：咁去食粥喇
女：食粥唔饱肚
男：麦当当或者家乡鸡求其一样．．行啦
女：都话热气咯．
男：咁寿司呢?
女：我都唔食寿司嘅,你唔係唔知架.咁摆明找碴姐.....
男：不如你话事啦，我唔想谂喇.
女：我係谂唔到食乜先叫你话事，你俾Ｄ主见得唔得!!!
男：唔係话热气就话肥，我真係谂唔到仲有乜可以食.
女：咁係热气,係肥吖嘛．．我有讲错咩，自己谂唔到就乱发人脾气.有无搞错啊你!!!
男：唉....甘去"味千"食拉面啦好唔好啊?
女：唔．．都好，我要食咖哩拉面,炸餃子,仲要食雪糕..YEAH.就咁决定啦..GOGOGO
男 : （心谂) 你老味 ~神又你鬼又你~咖哩唔热气嘅、炸饺唔热气嘅,仲要一路话肥仲食雪糕.....

123345368 · 发表于 2008-5-27 23:18

;P ;P ;P ;P 看下边对话:
女:今晚我们去边度食饭??
男:你话事啦,我无所谓....
女:乜你甘噶,次次都话我话事,无D主见啊....
....................第二日
女:今晚我们去边度食饭??
男:不如我地去大家樂食啊.............
女:大男人主义到死..........