|
|
篇野系有D长，但希望甘多位可以睇完后俾D意见，thx了....
同距（啊Q）系网上相识佐2年,但都只系好一般既网友,2008年4月26日,一次偶然噶聚会后,同距系埋一齐.
我同自己讲过,唔可以信网上面既男人的.可能自己系个种比较内向既人卦,一直都拒人于千里之外,有时真系惊自己会受伤害,但....
唔知点解,从来未去过通宵既我答应佐去个晚既聚会,去唱K,成班人系网上识佐2年啦,真系想见下距地既真面目..第一次讲大话出夜街,真系好惊屋企会问长问短.好采都顺利过关.
系聚会上第一次见到距.虽然距唔系好靓仔,都唔系最靓仔果个,感觉有D似细路仔添,第一眼见到距我就同另外一齐去果个朋友系度笑距..距真系有D似初中生呀~~
个晚距一直都忙出忙入,因为个聚会系距搞噶.其他人就只识得系度唱K 劈酒.距俾人既感觉真系好nice~~
个晚都无乜点同距讲野噶..第二日返到屋企下午训醒佐就收到距条信息,问我训醒未,受唔受距沟之类既话.当然,我应承佐..甘就变佐距条女了..
个日,距同距班F去唱K..距叫佐我去..仲同距地讲我系距条女.....｛>.< 个日见到好多靓仔呀～～有D后悔同佐距添（嘻嘻..讲笑） 。｝个日好开心，同距拖住手行街，可惜～～7点几个时个天就喊拉～～最后都系淋湿佐。距送我去车站搭车个时距锡佐我，但。。唔知点解个时我只有一个想法，距应该锡过好多次。。。
返到去上Q继续同距倾，倾倾下，距突然问我“老婆仔你做过未？”当时我真系有D懵了，唔明，问距做过咩？距话”有无做过爱” 。 可能系我思想旧啦，感觉有D差，我谂，距甘问到底咩意思。。。。
2日后，以前条仔发信息来叫我唔同啊Q一齐，话距成日玩女人，叫我小心俾距呃，仲话4月果个聚会之后，有人问啊Q同我既事，啊Q讲俾果个人知，同我只系玩下。。
知道哩件事真系好嬲呀，稳啊Q对质，距话距无玩到我，话系我前度男友屈距，仲话我唔信距。个时好烦，无听距电话无回距信息。但后来距其中一个F发信息俾我，话Q对我系真既，我又开始有D动摇了。因为我真系唔系好信Q会系D甘既人。后来D 人都话系我前度男友系因为想同返我一齐先会搞D甘既事来拆散我同啊Q～个晚我发信息俾距～距打返电话过来，听到距吧声好似喊佐甘，但好快又变返正常，事后距先发信息来话距真系喊佐，好惊失去我，仲叫我以后都唔好离开距，后来又同返啊Q一齐。点知。。。
上天对我真系不薄，拍次拖姐,都俾我甘多考验，几日后又有关于距既遥言，又有人同我讲，Q成日玩女人，呃女上床，话距有佐我之后仲同前女友A女有性关系，仲一直想同B女去开房。甘大个女，第一次觉得自己原来系甘白痴噶。
个时距未知咩事，我问距点解会选择我？距话;因为我够纯，唔出来浦。心谂“呵～～纯？到底系蠢定系纯啊？” 我问佐出来，距又好激动甘讲佐句“原来你一直都无信过我！”。讲真，我真系唔多敢信，之前既事加上距个晚问我有无做过爱，我真系有D信果个人讲既野系真噶，而且问啊Q，啊Q自己都承认自己同A系发生过关系，第一次俾佐A女。事后我仲问过距朋友，距朋友都有承认距之前成日同D女玩玩下。
个日真系超唔开心，最后同距讲佐句分手，距一直都系度解释，但我无理，觉得反正爱得还不是太深，不如趁早分吧。
第2日，听D人讲距去佐朋友度喊佐，第2次为我喊， （我唔明，D男既都唔系好坚强噶咩，点解第一个系甘第二个又系甘，个个都甘中意喊咖。） 但自己又衰心软喔，对距真系有好感噶。但哩个唔系我日后原谅距噶原因。我原谅距，系因为。。。
第3日，无佐距真系好唔惯呀～～搞到自己死甘唔开心，成日闷闷不乐甘。个日下午，啊Q既前女友竟然稳我，话啊Q对我系真心噶，距唔想见到Q唔开心，所以先会稳我，仲话Q晚上会打电话俾我，希望我会听。唔知点解，我信佐哩个女人既说话，晚上叫佐Q出街，又一次甘原谅佐距。
但。后来。先发现。。
无意中系A女既空间见到距既日志，距用拼音写，但衰在我睇得明，距系日志中讲到，距真系好爱Q，仲话个晚同Q一齐影贴纸相好开心，揽距锡距。。但命运注定距地唔可以系埋一齐。。。。。。。。。日志既日期系2008年5月14日，系我原谅Q既后一日 ，我唔知A女日志中所讲既系边一日，但我知道。。果个期间，我已经同啊Q一齐噶了。。 依家谂谂，自己当时系米太傻了？竟然信一个同距上过床既女人讲既野！！
心好难受。。。哩件事，我无问啊Q。。。选择佐沉默。。到底。。系米好傻。。。选择佐距。。到底系米我的错？加上次次同距去街都会早上好天出晒太阳,夜晚就落雨,次次距都淋湿晒身...一系就夜佐无车搭...距都有过疑问..."哩D系米天意..?" 有时叫距出来,距就话惊又落雨又话惊无车搭....同距一齐..我真系无晒信心了......
[ 本帖最后由 Tung 于 2008-5-20 14:22 编辑 ] |
-
|
狗仔卡
发表于 2008-5-20 09:44
变色卡
抢沙发
楼主
