你走了...我們怎麼辦???

树熊囡

3月1日下午....你病危....我沖到去醫院...見倒嘅只系你孤獨甘系病床上...醫生搶救緊....
突然...心很痛....你身體好瘦好瘦...但系我從來都唔知道...瘦瘦嘅雙手雙腳插滿曬輸液管....
我嘅身體突然覺得很輕...但系我唔可以暈低...我要陪你撐落去...當時好在阿毛在身邊...
如果唔系...我可能真系會暈低....
心跳恢復左...但系...未夠一分鍾...又再無心跳...一次又一次系甘...表哥都忍唔住喊住講:算喇..唔好比距甘痛苦喇..
親戚都黎曬...個個都系度喊...細佬亦都剛剛趕到....之前你兩日唔想訓覺...系唔系想等細佬返黎??我真系好後悔
點解唔早D叫距返黎...你都見唔倒距....
醫生出黎:"病人一次次恢復心跳...但系都堅持唔倒...我地盡左力喇....."
我系唔系發緊夢???我尋日陪左你一日...你無事噶....就系無食野...但仲有同我地講野....尋日好地地嘅你點解會變成甘???
太突然喇.....你叫我點接受倒????大家都系度喊...我地沖入病房...見你最後一面....我地系度大聲叫你...但系你無反應....你只手仲暖噶!!你真系走左??....我好多野未幫過你做...未幫你剪過指甲...未幫你只手表上過鏈....你成日都系自己坐系間屋度...好後悔....
點解當時唔同你講多D野...我無盡到我嘅責任!!! 對唔住...對唔住....
屋企人拉左我出黎....我除左喊之外乜野都唔識做....過左一陣....親戚幫你著返你平時最鍾意嘅衣服...跟住推左你去太平間....
之後...我地守左一晚夜....呢一晚我不停甘喊....不停甘捻起你..我真系覺得呢個其實系一個夢...夢醒之後一切都會同以前甘...你仲會坐系度鬧我地...點解???點解我呢日早上唔過黎陪你??唔陪你講多D野???點解你話想食甜野..我唔比你食???如果我知道系你最後一次食...我一定比好多好多你食....但系...永遠無呢個可能.....
第二日...你出殡...我地去太平間接你...見倒你系冰凍嘅冷藏櫃度拖出黎...見倒你變到青色嘅臉...我再一次忍唔住喊....
主辦人幫你著好壽衣....抬上棺材....車走你....我地一路喊一路羅住支香...我要引你返屋企...你要跟實我地吖...我一路行一路叫住你個名...真系好希望甘樣做系有用嘅....你真系可以跟我地返去....甘使留系呢個甘凍嘅地方....
下午....送你去火化....我地最後一次見你....你化左個妝....系你呢一生第一次亦都系最後一次化妝...我知你一定唔鍾意甘化妝....你身上鋪滿曬花....我地圍住你轉左一圈....最後一次...真系最後一次....以後再無機會見倒你...儀仗隊引我地出去...跟住見倒你比人推左去火化爐...主辦人同我地講...就黎火化果陣~~要叫你快D走....我地大力甘叫...我從來未試過甘大聲甘叫....阿爺...火化喇...你快D走...!!.終於...熊熊大火包圍住你....然之後關上門....無喇...見唔倒你喇....呢次真系永別喇....痛....心入邊只有呢種感覺...腦入邊一片空白....見唔倒有邊個好似暈低左...我個腦只有最後見你嘅果個畫面....
永別喇....真系永別喇....我同你一齊生活左22年....以後屋企就系少左你嘅身影....個心空左一個洞....記憶中少左一個人....我點可以習慣???我點會適應??? 我點可以忘記你??
        一連幾日...其實我早就想寫出黎...但系...我一捻起...就真系寫唔出....因為...眼淚已經不停甘流落黎....直到今日....我終於可以慢慢甘寫出我嘅感受...我對你嘅思念....未失去你之前...我唔覺得你重要....但系...其實你走左...原來我會甘....我先知道你嘅重要性....子欲养而親不在...而家先真正感受到呢句話嘅意思....阿爺....你系天國要開開心心....唔好唔舍得使錢吖....希望下一世我地仲系兩爺孫...到時...我一定會好好孝順你......
       永別喇.....我最愛嘅爺爺..... 我會好好甘掛住你...你會快快樂樂甘住系我個心入邊....永遠永遠都唔會消失....

RUIHONG

LZ你折衷顺变啦！！:L :L 生离死别，人之常情！:L
所以对老人家要想到做到！！人生最大的不幸就是子欲养而亲不待:L :L

树熊囡

失戀算得系乜野??無錢使算得系乜野??有D人覺得遇倒呢D野好慘~~但系有乜野系比失去至親更慘??更加唔開心??呢件事之後~~我以後都會珍惜眼前人~~唔可以比自己後悔.....希望各位都要甘捻....

ポ簡單Ｄě嗳

我好怕呢的场面。。。。因为我怕我身边的一切会我离我远去。。。我T到楼主呢篇文章，我内心一阵寒意。。。

希望楼主节哀顺变！！！

[ 本帖最后由 ポ簡單Ｄě嗳 于 2008-3-4 17:29 编辑 ]

Zj未来

节哀顺变~~

傻E

节哀顺变~~~人死不能复生,睇开D

玉米娃娃

睇住楼主的文章，我谂起我爷爷。
    自细父母工作的缘故，我与爷爷嬷嬷的感情比较淡薄。记得以前有一个周末系学校值日，我打电话给家里，爸爸就说爷爷的情况不乐观，不太好。晚上，我同学发生了一点小事抱着我哭，结果我哭得比她还利害。咯次，应该系我甘大个以来，第一次哭得甘惨烈的。我连续哭了1个多小时，身上的长袖T恤，袖子湿晒。

    我爸好锡我爷爷的，爷爷去左几日，我爸对眼都好红。我妹好中意趴系爷爷的背只上面。

    我都觉得我开始胡言乱语了。

谁是我

。。。。。。。。。。。

无翼飞翔

:'( :'( :'( :'( :'( :'( :'( :'( :'( :'( :'( :'( :'( :'( :'( :'( :'( :'( :'( :'( :'( :'( :'( :'( :'( :'( :'( :'( :'( :'( :'( :'( :'( 爷爷的样子是怎样的???忘了:'( :'( :'( :'( :'( 嬷嬷的样子也是怎么样的?:'( 也开始矇湖:'( :'( :'( :'( :'( :'( :'(