睇左之前果篇“镜头里的旧城街角”贴既感概

rich · 发表于 2008-1-6 22:30

唔觉意发现新三水呢度，又唔觉意入黎见到前边“镜头里的旧城街角”呢篇贴同埋入边D相，真系好大感概。因为自己都系系果带长大，勾起好多童年回忆。。。
大巷我宜家仲经常行，但系另外果边就真系少喇。。。
几年前买左台傻瓜机去影左几张

rich · 发表于 2008-1-6 22:43

呢间野系中医院对面，以前系废品回收站，宜家吾知系变左乜野喇。
点解影距？因为以前冇钱去机铺打机，所以同个老朋友经常罗D报纸啊、铁啊之类既野黎卖，卖倒既钱就一起去呢间野对面果间机铺打机，宜家谂返真系搞笑，好似收卖佬甘.

rich · 发表于 2008-1-6 22:49

呢度系中医院隔离，以前就系三水旧电影院，细个经常黎呢度睇电影，估唔到就甘就拆左。可惜距未拆之前冇黎影返张相留念。宜家已经变左停车场。

rich · 发表于 2008-1-6 22:54

呢D相我系04年影既，果阵呢度都未拆，宜家经过，呢张相右手边既房屋应该都拆得7788。
我个老友就系系呢条街度住，我细个经常黎呢度玩，所以专门影低距留念。

rich · 发表于 2008-1-6 23:18

你地记得呢条街有乜野嘛？
我记得就有：
机关幼儿园、镇幼、好似系五小（中医院斜对面黄色果间）
有间图书馆、有间桌球室（呢两间野我谂都比较少人知道，要年级比较大既先知道）
有几间机室
仲有我好记得就系：旧电影院隔离有条巷仔可以通去六小既，我大概4-5年级系果度俾个死飞仔抢左我一蚊鸡，我宜家仲记得-,-
以上几张相系2004年影既，我冇学过摄影，当时就罗台傻瓜机去影左几张，影得好差，如果边位仲有老城区既相就发上黎俾大家分享下喇。