其实我应该离婚吗？

猪仔包 · 发表于 2007-11-24 17:00

我1999年识我老公，果时我16岁。其实我都系无咩心机读书果种，困为果时我已经同一个男仔拍拖，其实我唔钟意果个男仔，不过果时觉得好好玩，所以先同拒一齐。识左我老公之后我突然觉得我终于知道咩系爱情，就算我好多朋友反对，我都同之前的男友分手，同我老公一齐。我记得果时好多人唔睇好我地。个个都同我讲，睇你地几时分手……。:L
我同拒拍拖6年。呢6年发生过好多事，我地之间出现过第三者，分过手。但分手之后就觉得大家唔可以无左大家，之后又系返埋一齐。我身体一向唔多好，我试过一次要急救，我记得我老公背住我跑去医院，仲一路跑一路流眼泪。其实我真系好感动。我都唔记得之后又为左咩事，同拒分过一次手。果次拒打比电话比我，同我讲左一句令我可以感动一世噶说话：“我知我而家比唔到幸福你，但我真系好钟意你……”。就系因为呢句说话，我决实同拒结婚。因为我当时觉得我无办法可以稳到一个好似拒甘对我噶人。
2002年我地结左婚，果时我22岁。我地都仲算几开心甘过左两年。但我老公果时就开始赌钱啦。开始唔系好严重。果时我发现……原来我有左BB啊。果时我地都好开心。但拒就开始慢慢越赌越大。今年7月我地噶BB终于来到世上啦。但我老公都赌到一发不可收拾噶地步。无钱比我不但至，仲要同我借返转头啊！！！
老实讲，以前都无咩所谓，但多左一个BB，使费真系大左好多。拒唔比家用不但至，仲问我借钱。我觉得拒真系太唔生性啦。我真系好失望。我同拒讲过好多次叫拒唔好赌，拒每次都应承我，但过后又一样去赌。我好嬲啊！我想离婚……我赶过拒走好多次。但拒一系就话要返个仔。我唔舍得我个仔啊。一系就不停同你讲话以后唔会……。其实我仲好爱拒。今次拒又同我讲话以后唔会……。
我想问……如果拒又赌钱我应唔应该同拒离婚呢？我想要返个仔。（我好可能无得再生）有咩方法呢？