|
|
几钟意个首<隐形的翅膀>，有时候会谂,人生硬系太多既无奈同曲折，硬系事与愿遗，假如系我失望个阵，都有一双隐形的翅膀带我飞出不愉快的回忆同往事，敢就好嘞。一直以为自己好坚强好乐观，后来先明白，伪装既无所谓呃到人呃唔到自己，眼泪倒流返入心里既感觉要比直接系眼入面流出来，苦得多。
十七八岁既时候以为流星真系可以帮人实现梦想,系4公里读书个阵,终于有幸睇到一场难得一见既狮子座流星雨，从来未见过流星既我，一下子见到禁多流星拉住长长既光线好似落雨敢飞落，真系好壮观好激动。但系我无忘记要许愿，我唔贪心，望住满天既流星，我只系许左三个愿，我怕太多人许愿，流星会忽略左我既愿望，所以我重重复复敢系道许个三个愿望，值到流星雨落完。或者你地会觉得我傻，但系其中一个愿望对于我来讲好重要，无论我地点样努力都实现唔到，所以我唯有求天。
哩个最重要既愿望系为我既表弟求既，距当时已经系白血病晚期，距曾经系一个好幸福既细路，父母都系政府做领导，家庭环境亦唔差。距既哩个病我知道得好突然，当我妈话俾我知个阵，话未系好严重。直至有一日，上班会课，班主任拿左张报纸来读，话芦苞有个细路仔得左血癌，倾尽家中所有都未见好转，区教育局呼吁大家献爱心，为哩个细路筹款。当哩份报纸传到落我手上个阵，我简直唔敢相信，报纸上面既个一家三口竟然就系我既姑姐一家，个个虚弱无比既细路就系我既表弟，我好震惊好心痛。我既眼泪当时就忍唔住流左出来，但我无话俾任何人知，个个系我既表弟，因为我知道无人帮到我地，我知道距要既系适合既骨隋而唔系钱。放学返到宿舍，我终于忍唔住喊左出来:'( 点会敢既呢？
流星雨之后，终于有个台湾女仔既骨隋适合距，而且肯捐出来，我地全家都好开心以为有希望嘞，我以为对住流星许愿真系可以灵验，点知后来医生竟然话错过左最佳既手术时间，我地既心再次失望到跌落谷底，然后某晚，高烧不退，我既表弟系个个细雨飘飘既中午永远敢离开左我地哩个大家庭。
我对住流星许既愿无一个能够实现，除左以上个个之外，我祈求自己能够开心快乐，我祈求我同某人可以跨过毕业哩个关口。然而，毕业后既第四个月，我头一次禁彻底敢体会到乜野叫做背叛，我头一次体会到原来我从来就无知已，除左我既亲细妹，个D我以为系我既好姐妹既死党只不过系一个志同道合既人，并唔可以交心。
当我终于收拾心情个阵，我真正既爱情亦开始左嘞，我几禁希望我地可以天长地久。然而我竟徘徊于过去既人同事而三心两意，摇摆不定，无好好敢去珍惜，到后来我终于识得珍惜嘞，我地却又遇到左另一个危机，我地既爱情终究敌唔过时间同距离既考验，当距话要离开个阵，我哭得撕心裂肺。我足足用左1年零三个月既时间来等距，我以为两个只要真心相爱，再远既距离都唔系问题，我以为两个人只要肯捱就一定会有将来，然而我苦苦等来既却系距既祝福。
猪年无声无息地到来，又大一岁嘞。有D女仔钟意话自己系骄傲既公主，有D钟意话自己系天使，而我，我觉得自己系一个灰姑娘，系一个未稳到适合既玻璃鞋既灰姑娘。我唔会再相信承诺，因为承诺只系偶然兑现既美丽谎言，我唔知道天长地久有几久，永远又有几远，只知道人一世就短短六七十年，总有一个人会陪你一齐走以后既漫漫长路。我会耐心敢细心敢去拣自己既玻璃鞋。
[ 本帖最后由 傻猪不哭 于 2007-3-23 23:08 编辑 ] |
|
狗仔卡
发表于 2007-3-23 22:28
变色卡
抢沙发
