距地既老公同第二个女人映结婚相

傻猪不哭 · 发表于 2007-2-16 17:33

参加过好多亲友既婚礼，睇过好多人既结婚相，实在佩服化妆师既威力，可以将一个相貌平平既女人变成一个花样淑女；或者将一个本来生得还可以既女仔变成一个两边面红如马骝PP，皮肤好似铺左两层面粉敢既俗气女人。
   无论个妆化得靓唔靓，反正同真实个个判若两人。睇左距地既结婚相，感觉好似系距地既老公同第二个女人映婚纱相敢。我始终觉得最自然既先系最真实最靓既，就算将来结婚化妆，我都希望系一个淡妆，尽量用最真实个个我，同我将来既老公映个辑珍藏一辈子既结婚相。
   唔知从几时开始，身边既女性朋友好涌跃敢去影楼映艺术相，映出来既效果有靓有唔靓，但同距地本身都系完全唔同左一个样，好难得稳到张系似既。我始终钟意生活相或者贴纸相多D，我映相钟意映风景。
   可能系我思想落后啦，始终觉得自然既简单既就系最好既，用百几蚊甚至几百蚊，去映一辑同自己完全唔似既所谓艺术相，我真系唔知有乜意义。我宁愿将D钱拿去旅游，顺便带埋台相机，将沿途美景映低，或者系个个自己钟意既景点留影。
   有D朋友话映左拿来第日俾仔女睇，同距地讲“你睇妈咪后生个阵几靓”。我将来都会拿我年轻时既相俾我既仔女睇，但系我会同距讲“妈咪后生个阵就系敢架嘞，你睇妈咪去过几多地方。”