|
|
曾经有一段时间好欣赏一句话：I can give up choosing, but I won't choose give up! 中文意思系我可以放弃选择，但系我唔会选择放弃！
不过依家睇来，要自己放弃选择，其实真系好难，好难……
虽然我都渴望爱情，但同时我亦好喜欢单身，所以系我心理面一直都咁啉：唔够完美嘅爱情，无资格要我结束单身。
不过……
我亲细佬已经结左婚了，过多3个月我就要做大伯啦，但系我就连拖都未拍过。所以屋企人上到阿爷阿嫲，下到叔叔婶婶，个个都介绍过女仔俾我，最离谱嘅系我三婶，曾经系我完全唔知情嘅情况下带住一个广西妹直接中入我间房度……阿嫲个D都系稳媒婆介绍嘅，但系都系未经我同意甚至系我完全唔知情嘅情况下稳嘅，距自己约好人之后就拖我出去。老人家叫到我又唔忍心拒绝，所以都会同距出去睇下，请食饭啦，俾利是啦，次次都要使我两三旧水。
当然，距地介绍嘅呢D女仔其实都几好嘅，不过就唔啱我，而我又唔想降低我嘅要求，因为我嘅要求每一个都非常非常低，唯一难嘅就系要所有要求都要符合，而我嘅要求的确系有D多……
最近，轮到老豆老母出手了。近排距地去同人地起屋，即系做泥水啊。然后个屋主个女咁啱又未拍拖嘅，于是距地四只嘢就话要我同屋主个女识下。之前就鹅左我成个月了，上3个周末叫我去我都无去，原因系个女仔系唔知情嘅！！今日，又鹅了！但系今次无计，老豆扭亲只脚，唯有我去接老母翻来啦。去到，见面，无感觉，叫老母快D走。
其实我话无感觉系因为我根本无认真睇距一眼，因为我希望我感情路嘅第一步必须系由我自己亲自踏出嘅，如果系我踏出第一步之前就由其他人扶住我走左一段路，咁我觉得以后嘅路都无意义了。
系呢条路上我真系无办法放弃选择，同时我亦都唔会选择放弃。面对今后嘅相睇安排，以及朋友、同事或者亲戚嘅介绍，我会一如既往咁想尽办法推托，就算推托唔到我亦都只会应付式参与一下。因为我相信，由我自己踏出第一步嘅路，总有一条系可以通往婚姻殿堂嘅。
|
|
狗仔卡
发表于 2012-7-22 21:31
变色卡
抢沙发
楼主
