|
|
1、你咪咁小器啦！
女人點解憎：
小器喺女人擁有但又唔想認擁有嘅特質，你明寸佢？等開拖啦！
男人說呢句話時通常笑笑口，點解？因為知女人唔岩聽？明知唔應說但堅持說出来，就喺撩交嗌？
男人說呢句話前通常已讲完「嬲完未呀？」、「唔好嬲啦？」之類嘅話，但游說不果；唔識氹人就賴人小器，屙屎唔出賴地硬！
即係話我唔應該嬲者？女人發嬲一定有佢道理，男人駁嘴即係話我螿不講理，作死！
建議：
要女人唔嬲，真的惟有等佢自己嬲完，但唔等於乜都唔做，男人最好做啲事来縮短過程，愈拖只會愈難氹。
基本上連個嬲字都不能提，女人好憎呢個字，唔嬲都變嬲！话你知，叫女人唔好嬲，佢嬲得仲勁！
女人再小器、嬲爆爆，男人TUM佢盞晒氣！要軟化女人從身體入手，抱抱或緊握她手吧！
?
2、對唔住囉！(同類說話：我唔啱囉 、我衰囉、我錯囉)
女人點解憎
「囉」咩话？晦氣到死！
最憎喺加個「咁」字喺前頭，「咁對唔住囉？」，一個「咁」字包含咗「我唔覺得自己錯但買你怕囉」呢十二個字嘅意思，明激我啦！
男人說時通常皺眉頭、眼神厭倦，擺明讲紧「你又來了」，乜我好難頂咩？
建議
用口去表示歉意喺低層次嘅做法，倒不如用行動表示。
唔該比D性格，唔覺得自己錯的話，老虎蟹都唔認錯！唔該比D風範，道欺最緊要誠意。
3、鍾意嗎？ 我送比你丫！
女人點解憎
因為得個講字，男人總以為講左就等於買左，毋需真的買！
見我雙眼發晒光仲問，你盲架？
要我用把口去講我鍾意，即係要我認貪心！
建議
講得出就要做得到！一定要趁熱買，一拖，女人又話你無誠意！
立即喺佢面前俾钱喺最方便嘅做法，但女人最憎呢種方便，唔浪漫。
男人總係唔識送禮物，以為買左然後交過去就大功告成！其實送禮物最重要是點樣交到對方手上，即係心思、驚喜。
?
4、使唔使幫你？(同類說話：使唔使車你、使唔使幫你拎？ )
女人點解憎
廢話！
問來做麼？答得你我都做完！
建議
女人最憎男人「齋TALKING 」，唔聲唔聲做左先至喺英雄
做多無壞，即使自己搞得掂，女人都鍾意男人獻殷勤。
5、搵日同你去……
女人點解憎
搵日，通常唔會兌現
又信口開河！
你估我係你D客，「搵日出黎飲茶」咩！
建議
女人記性很好，此等不兌現嘅小事喺佢日後炒大鑊嘅導火線
女人無要求的話，男人切忌自動OFFER，無謂製造機會比人CHALLENGE
6、得架啦！得架啦！(同類說話：掂架啦！掂架啦)
女人點解憎
認屎認屁叻，結果錯漏百出無樣得！
你覺得佢係怕你煩，想塞住你把口，所以吹到天咁大，但其實得鬼！
建議
無希望就無期望，無期望就無失望，實話實說吧！
女人要講野，一定要比佢講；而比佢講，佢先唔講。
7、明啦明啦 (同類說話：係啦係啦、得啦得啦)
女人點解憎
明個屁，想我收聲至真！
真係明？咁我岩岩講到邊度先？
建議
佢喺度同你說一啲佢認為好重要嘅事，即使你覺得無聊，都要請你耐心聆聽，硬啃啦！
喺佢喋喋不休時緊握佢只手，信我，好快收口。
適當時候發問，等佢知道你聽紧；無傷大雅嘅小事不妨附和，大事情則要糾正。
8、是但啦
女人點解憎
無要求，無原則，無性格！
你又嫌我煩了！
你寧願SUFFER任人擺布，我諗我真係好討你厭，
建議
大可拋個波比佢，溫柔地說：「你話呢？」佢反而覺得你尊重佢
唔在乎說乜嘢，而喺在乎点樣說；男人說話時語氣夠堅定就是說服力，女人自然收聲。
9、想唔想**(**)？
女人點解憎
摸緊先問，遲左D喎！
唔好懶尊重我啦！
乜你睇唔出咩？
點答你呀？唔好難為我啦！
建議
女人****講MOOD，一句說話足以摧毀一切。
唔反抗已喺默許，醒D啦！
10、你開唔開心？(類似說話：你HIGH唔HIGH？、我得唔得？勁唔勁？)
女人點解憎
焗住要答開心？
迫人講大話！
乜你睇唔出咩？
建議
抱抱算吧，唔好生不必要的事端，比機會佢問番轉頭：「咁你愛唔愛我？」
唔提反而唔諗，唔好「刺激」佢去思考，你真係好渣斗！
唔知你嘅距同你講咗幾多句呢？;P
[唔知之前呢度發過未。。如果發過嘅話。。請版主將此帖刪咗距吖！唔該！]
[ 本帖最后由 细Bear仔 于 2007-2-1 19:13 编辑 ] |
|
狗仔卡
发表于 2007-2-1 19:10
变色卡
抢沙发
楼主
