家用问题2

尐肥

    好多谢之前系《家用问题，求解答》咁多位弟兄姐妹既建议！

    话说上次掉低900蚊，同埋一句“剩低果D我下次翻来俾埋你”之后
    今次翻屋企，我一落车就摞晒工资卡D钱出来（2000蚊）。
    一翻到屋企，第一时间就除低书包，第二动作就放左1700蚊系老母房间床头柜
    “我将钱放系台面，你等下收好佢吧”---我说。
    “乜又俾钱我既？！”---她说。
    “俾你就要啦....#@$%&*&)&*#$%@#(其实我都唔记得当时讲左乜）”----我说。

     从此，我由一个收入有些许盈余既人，再次变成一个穷光蛋。工资卡剩翻66蚊，柜员机摞唔出的。
     工作3个月，收左5400蚊工资，我都俾左3100蚊佢了，还左500，借左400，剩低果D我都唔知洗左去边了

     我就系咁牛脾气，就系为左啖气，我可以搵钱出气。钱，于我来讲，真系多有多洗少有少洗而已。
     发第三次工资的时候，我见到我工资卡有4位数的储存，我真系开心到不得了
     因为毕业咁耐，我终于有存款了。我一个月储1000，一年就有1万了，我真系好期待。
     但偏偏系父亲节果日打破晒~

     其实我有好多好简单既梦想，想实现的，亦都需要钱实现
     我想去一次澳门，我想睇下澳门威尼斯果度个天空系咪真系蓝色的！我想睇下大三巴系一个点样既建筑；
     我想去一次香港，我想行下中环街睇下撞唔撞到明星；我想入去迪士尼玩下影下相；我想上一次山顶睇夜景...
     我想换手机，换一台屏幕更大、处理器更强既手机！
     我想同亲人出去食饭的时候埋一次单，我唔想我牛鬼咁大个人都仲要家长埋单；
     ...
     其实我觉得好幼稚。或者你地都会觉得好幼稚，好**，都唔系乜野理想，或者所谓理想太过物质，毫无大志...
     唔好意思！！！！
     其实为左实现我既梦想，特别系旅游，我多年既梦想，我唔应该斗气，我要理性D
     但系我真系好心淡。我唔知系咪佢介意我工作之前用左佢4000蚊而存芥蒂。
     大家可能会疑问，一家人点会用数字来联系，点解数目要分到咁清
     我唔想的，我真系唔想的，每次闹交，佢都中意系我面前讲我读书用佢几多钱几多钱，听到我怕
     而我话佢成日系我面前讲钱，佢又唔承认，或者，“呢个系事实，我有讲错咩？！”
     大家可能会疑问，乜你父母咁苛刻，或者咁刻薄
     唔系，真系唔系！我讲咁多都系针对呢件事表现出来既行为而已
     佢地都系好殷实既劳动者，父亲系很好既父亲，唔烟唔酒。母亲系很好既母亲，劳动勤劳。
     之所以发生D咁既问题我知道系完全缺乏沟通~
     但因为心淡，所以我都唔想去沟通了（原谅我既消极）
     我必须有自己的存款，然后逢年过节俾D钱就算了。佢自己有收入，佢唔使等我果几百蚊开饭的。
     所谓心意，500蚊好似唔系野咁，垃圾都不如。霖起果句“先500蚊咋”就心寒。
     至于读书果D钱要点样还，以后再算吧...

乱up24

最近雷雨天，你比雷劈醒佐啊，果然生性佐啵;P

无翼飞翔

几米漫画中有这样的一句话：
女人年轻时最好的投资，就是把钱花自己身上，去旅游去护肤去享受，让自己在最好年华里爆发最好的光彩。你对自己好别人才会对你好，事业家庭爱情才会出色。女人只有在青春逝去后才需要攒钱，等到老了，你就是一个曾经最美而现在又最有钱的老太太了。
:lol

黑夜既萤火虫啊M

继续努力~~孩子~~

逐月威廉

其实你将收入甘大一部分上缴左，接落来D生活系点过既？

尐肥

回复 乱up24 的帖子

我唔俾家用喔，咁都生性？！！！

尐肥

回复 逐月威廉 的帖子

我有食有住，我只需负担回家车费、电话费就好了。其实我未计算过我要用几多钱，但好似300蚊都够噶了~:am07：唔够再问人借。

CalfiyHong

我都每个月俾5旧水我父母噶，尽下心意咋，不过我父母就好D，距地话先帮我存住先:lol，为人子女可以回报就回报啦，毕竟生你养你真的是不容易噶

chinas

看了之前的家用问题。你话你父母都系粗人，不懂得表达感情，你都一样，成日返入间房。大家都不先走出第一步，用心关系对方。
以上是个人意思，不对请多见谅！

尐肥

回复 chinas 的帖子

呵呵，你冇讲错。
他们是不懂，我是不愿。