我的心太乱

乜都无啦而架 · 发表于 2006-7-17 20:47

　　韵！咁样等都唔系办法噶，我开始觉得你啊妈个奸计得逞！虽然，通过网络你系见到我，但系我见你唔倒呢．你谂下你见唔倒我你系几咁难受，你就知到我而架心入面嘅感觉，你自已都唔知你自已几时番！我咁等落去，到等要等到几时？一年，二年，定系三年？？你都识得话我老啦，万一你过得一两年都未番得来，又开始对我无乜感觉，我就真系人又老友，钱又无，老婆又走路！你话要钱办证我就千方百计都揾人比钱你，家下有钱，你又办唔倒证！你又唔谂下办法，比Ｄ压力你屋企人，又或者番转间屋都要揾番个证出来，问你个证搞成点，你净系答我＂无可能＂．你咁样对我好唔公平，我家下个心好乱，乱到我知已都唔知点算，我从来都未试过呢Ｄ咁嘅感觉，你走左之后，好似带走埋我一部分嘅快乐记忆，我系应该等你番来好，定系长痛不如短痛？你教我！！！我知，你好钟意我，我都好钟意你，但系如果再系咁样分隔两地，又唔知几时先可以系番埋一齐，咁样等法，我不如去死左距好过，现阶段我只能够讲，我个心好乱～好乱～～好乱～～乱到我都唔知自已想点～