臭屁醋——液体榴莲

魔鬼鱼

讲起臭屁醋，而家D人叫米醋，斯文D。系我仲系小妹妹3、4岁噶时候已经饮到变醋精（唔系糖精酒精果个意思系成左精）了。饮到嘴唇仔都白埋都唔愿停。果阵的醋真系好正，好似家家都会订（整醋的专门术语，音同订煲个订）。
       屋企都订左一埕，见妈妈饮匀各家的醋，选最正果家罗够三四斤，放系一只小口阔腰埕到，放入米同水，封好盖，就摆系天棚到发酵，要有太阳晒到先好。过左唔知几耐，打开醋埕，一阵清香飘出，唔会臭的，系好清爽的味道，醋呈米白色，哗，正呀。
      毕左一大煲，要侵返水入去醋埕到，侵到满泻为此 。如果唔系埕醋就会反，无用加啦。
      妈妈已买左猪筒骨、猪肠仔、梅菜、白豆、尖椒仔、榨菜、大量姜。肠仔、猪骨出水，用姜爆炒，梅菜切细，又系爆炒，炒到庆合合，将部份醋倒入锅，同材料一起煮沸，顿时香气四溢。全部放入大口煲到煲两个钟。成栋楼同隔离街都会有人捂住鼻子问：唔，边到煲臭屁醋呀？      楼上楼下的阿姨会打电话来：喂，煲醋呀？预埋哩？
       好味呀，唔会寡酸，酸中带咸，食的时候加上炒香的白豆、榨菜、指天椒仔，或桂林辣酱。有的人中意放入番薯，味道会甜D同杰D。有人而家仲会加侧鱼或鸡，:o我就未食过了。果埕醋要经常毕来饮先靓加。流水不蛀。

     搬左屋，竟然连埕醋都无罗。妈妈话再整过，但系就唔的得起心肝，所以而家煲醋系罗一个朋友家的。好正。正准备选其作醋种。
    以前非典，有人话醋可杀菌，大家好风行去饮。 而家有好多阿姨会整间小醋档，男男女女唔理店面简陋都会坐系小桌子边饮醋。绝对体现三水的特色。
    好的臭屁醋，系解渴的，饮完个口系唔会觉得咸，系生津的。以前天热D大人做野返来就甘系醋埕毕一碗煮沸就饮了。由于醋在毕一次后加水后要有一段时间先可以再毕，有D醋档唔够醋供应，就会沟白醋或醋精。饮时会确喉咙，饮完后会口渴，所以大家唔好得过饮，要识分呀。
    其中有D醋档系唔错的，比如文辉后面果档，档主系河口有一百几埕醋放系天棚，保证轮住毕来煮。而我最中意都系屋企煲的，除此之外就系河口新新食店的醋了。不但果度的醋好饮，菜都做得好味，如紫苏大肠，又平。所以我建议去果度聚返餐。:P   耐唔耐饮次醋确实起到保健作用，尤其系今日大家食得甘肥腻，饮醋消下脂都好，对软化血管应该有帮助。
     好似榴连甘，臭屁醋也一样，中意的人狂中意，讨厌的人奇憎。闻着臭，但食着香。不小心沾到衣服上就惨了，整日臭烘烘。
     但系我真系巨的超级粉丝。一入口我已知醋的好坏，有无添加。
     系哩到，希望里个传统食品会越来越多人中意。

[ 本帖最后由 魔鬼鱼 于 2006-4-17 21:21 编辑 ]

西瓜

抢个沙发  大家唔好信魔鬼啊  她而加就好似圣经入边条蛇甘 引你地落格喳  

甘酸臭  唔好吃的  仲会吃上瘾  到时你就会成个魔鬼甘架啦 未试过唔好立乱试啊~~~  :Q

（以上言论仅代表西瓜个人立场  与xinss.com及其他个人团体无关 声明西瓜系唔中意吃榴莲的~~  ;P）

魔鬼鱼

而家的人好奇心好重加,你帮我做左宣传都唔知呀细路:lol
你就第一个落左搭啦.哈哈哈

it168

沙发比板凳舒服。

西瓜

~~~  每次屋企煲 我都出去吃饭算数的 ~~~  

算系三水比较特色既食物之一了  好多地方都无得吃的 我系从化实习个阵  见到个度都好似有甘样浸米醋的  不过好似无三水个的甘臭

四叶草

榴连系我妈嘅至爱.听说榴连皮鸡肉一起做汤很好喝的.........

西瓜

臭屁醋都可以拿来煲鸡的  妈记今日中午就帮她以前的同事用臭屁醋煲左老鸡乸了~~~   中午无晒胃口搞到我 ~~~~

四叶草

好在我臭觉失灵什么都闻不到的......

魔鬼鱼

我要试下伯有的手势

胖子

口水都流出来了。[Ylei_Au13]
魔鬼几时整堡被卧底试下啊
如果可以叫你妈妈教吓卧底里班后生仔啊，将不胜感激。