三水有野吃（2）！－for “四爷”（蛋挞）

西瓜

四爷话想吃蛋挞哦  等我林下先啊吓 ～～     ^_^

先讲自己最中意既－－葡挞：葡挞甘计  我自己甘计我就最中意吃KFC个的啦  有过几只唔同既味道 原味、椰奶味、加杨桃肉既味（个人最唔中意） 而家还有只“卡布奇诺”味  一味多选择 实有一款岩你  不过成中国都有kfc  所以都唔讲甘多了  ^_^   三水首创葡挞既应该系华美（无记错既话  ：P）  几早就有了 不过个阵几蚊一只葡挞 大家都觉得唔抵食吧 两只葡挞都可以买半打/1打？苏皮蛋挞了  所以好似都唔系甘流行  如果而家饼店甘计  园林路既“澳门街”的葡挞都几值得推荐  皮脆得来有得咬下甘 口感拍得上kfc个的  而且似系用足料  的蛋甜腻滑香  味道有层次感  而且唔会学kfc个的甘甜   具体出炉时间唔系甘知  不过它系有的保暖灯（姑且甘叫 ～ ：P）照住  所以几时买来吃都会觉得几新鲜热辣甘咯

苏皮蛋挞：三水最早有苏皮蛋挞既饼店应该都系华美（中学时 试过趁下午课间休息个阵偷偷出学校 为既就系吃它下午3点几新鲜出炉既蛋挞）  到而家几乎间间饼店都有了 华美都可以保持倒自己既销路 自己比较深印象既就系月季路某间小饼店  具体乜野店名唔记得左添～～ ：P （在民润对上的那个斜坡右手边 旁边系大宇游戏软件店）出炉时间大概系下午3、4点同夜晚8点上落吧  吃法同其他饼店无乜分别  皮苏蛋滑  口感唔错  我觉得味道就系特别在于皮有的牛油味蛋有的奶味  甜得来唔会话吃得多会觉得滞、腻个只咯  因为都算几多人去买  值得推介下  ^_^  

普通既蛋挞：即系的皮有的似曲奇 硬硬地外边用锡纸包住“火局”个的   自己甘计  最记得就系西酒（麦当劳斜对面呢）个的蛋挞啦  以前细细个去西酒饮茶  一碗排骨饭+一碟蛋挞 搞掂！！  到中学个种  三中斜对面既皇上皇的蛋挞（仲有煎饺同玉米饼）  都曾经系我早餐既首选之一  （不过都已经好耐无试过了  可能细个吃乜都觉得好吃吧  ^_^）  

其他个的乜野雪蛤、燕窝蛋挞之类  无乜研究 （主要系无乜机会吃  ：P） 又觉得无乜特别   所以都无乜好推介了  

以上推荐几间饼店、食肆整既蛋挞  都符合左好吃既蛋挞几条标准 （自己认为既标准  ：P）  ：1、新鲜出炉甘计  热辣辣 香喷喷甘 已经引死人啦  2、的蛋一定要滑嫩 个面颜色均匀   唔使甘甜  有蛋味、奶味之类既味道  3、皮同的蛋一定要夹得来  唔会搞到大家剩系想吃蛋唔吃皮  突显蛋滑嫩既同时  增加成只蛋挞既口感  同时可以中和蛋既甜味  味道更加有层次感   4、吃完3只以上都唔会有种好滞甘既感觉 （个人觉得好吃甘计 3只到半打应该吃到吧就算系mm甘计都  有滞既感觉可能系的蛋太甜或者加得太多牛油之类吧）

报告完毕  大家不妨去试试   希望四爷同各位大虾喜欢啦  ！！！

[ 本帖最后由 西瓜 于 2006-3-10 11:19 编辑 ]

西瓜

其实自己都系中意吃蛋挞个兄弟－－椰挞多的 不过真系唔知边度既椰挞好吃 大家知道既话 不妨帮手推荐下啦  间店唔系三水既都得架 ！！  ^_^

四叶草

西瓜讲得好详尽啊。我平时就知道喜欢吃，都没怎么去究研究。有时饮茶、去kfc、去西饼屋买个小蛋糕时，都会买蛋挞来吃。
我地呢边有间好像是五个星的酒店的西饼屋，每天下午四点，都推出一蚊半打的新鲜蛋挞，一个人只可以买一蚊。好多人排队啊。本人排过两次，有一次买到了，一次买不到。
椰挞我好少食，呵，不过就算食我都系只识得食，唔会深入研究。每次都有一个想法，好食D嘢有人识得做出来就得啦。自己负责食就OK了。

西瓜

一蚊半打  唔系甘抵食啊嘛 ！！！  听四爷甘讲 肇庆好似真系好多好食又抵食既野哦  唔得唔得  一于稳个周末去试下先得  ^_^

四叶草

呵,随时欢迎你.
我昨天去吃了一碗玫瑰花汤圆,里面的馅有红玫瑰\有椰蓉.汤水系牛奶,味道都还可以.五蚊一碗.就系我屋企楼下,可惜人家过几天要搬走了.

西瓜

玫瑰花汤圆？？  好唔好吃既呢  汤圆算系我少数中意吃既甜品之一  自己最中意吃黑糯米皮黑芝麻馅个的啦 ^_^

四叶草

西瓜:唔知三水有无"嘉美乐"面包店呢?听说"嘉美乐"D椰挞都几好味架.好似1块5一个.

我以前刚刚看到玫瑰花汤圆觉得好新奇,想试一下,都几好吃架.

西瓜

三水无啊 似乎去肇庆 又可以稳多样野来吃啦 ^_^

四叶草

得闲咪揾个时间过来玩下啰.

我还好钟意食肉松蛋糕啊.唔知三水边间饼屋D肉松蛋糕比较好吃呢?

魔鬼鱼

原帖由 西瓜 于 2006-3-10 01:54 发表
四爷话想吃蛋挞哦  等我林下先啊吓 ～～     ^_^

先讲自己最中意既－－葡挞：葡挞甘计  我自己甘计我就最中意吃KFC个的啦  有过几只唔同既味道 原味、椰奶味、加杨桃肉既味（个人最唔中意） 而家还有只“卡布奇 ...

果间叫华丰呀嘛.以前系三中放晚修都会去果度买来吃.不过我唔中意食甜也