|
|
原文再续书接上一回…今日得闲…继续讲下我个做人昂鸠食饭大兜的老公同佢个仆街脑细的故事。
上次讲到后来发生的事令我对人同埋事都睇化咗啲，至于点化…我又讲唔明白，简单嚟讲就系脑细个二奶的二个兄弟系间厂得脑细欢心，二兄弟一个管生产一个管入货（就系我上一篇所讲那个二公婆，女的做化验，男的打版，转做上矿山入货了），正所谓小人得志…，虽然脑细个侄仔（股东之一）、外甥女、外甥女婿、同老板娘个老表都系厂做，但貌似都无二奶的二个兄弟混得咁如鱼得水，后来有一日，脑细个外甥女婿、脑细个侄子、老细的另一个马仔（矿山采购）同二奶的二个兄弟产生咗啲矛盾，脑细召集众人系办公室…然后大手一挥…走，全部走！就咁，侄子+外甥女婿+开厂就一直跟住脑细的矿山采购全部带住一肚怨气走了，只剩低二奶的二兄弟，更如入无人之境，跟住脑细上山下海风花雪月，呢个脑细连自己亲人都可以咁无情，何况我老公呢个外人？唔到我唔化。我觉得间厂就系个段时间开始一直走下坡路，由旧年开始资金已经到咗拆东墙补不了西边的洞，但脑细的生活依然很潇洒，银行货不到就私人贷，反正张个口就有人将资金转过来。完全唔使谂还钱的问题，欠款以千万为单位，员工工资发唔出的情况下仲计划起一幢三层楼出来撑门面，幢楼一层层向上起员工个心同工资就一层层被积压。依家楼起好了，脑细也住上了，但貌似脑细也都未过上安心日子，跟住脑细的人更加无好日子过！我前几日睇我老公手机，帮脑细起呢幢楼的包工头发咗好几次信息，叫我老公帮手求下脑细可唔可以先结旧年十月份的工资比佢，手下的工仔等住出粮！我睇到都唔知好嬲定好笑，付出的人要低声下气求住啲仆街支付工钱，收获咗成果应该比钱人地的一句我无钱你等等之后…佢自己活得依然潇洒！唔单止起楼的欠，装修的欠住，连日常生产拿配件的，维修的统统都拖欠住，我老公过年都要应付追债的，仆佢个街，我老公负责联系对接啫，唔系我老公拖欠的钱吖，个个都追我老公拿钱，追我老公有鬼用咩，我老公自己帮厂垫资的八万都未有得收返哇，我今个月有二单保险到期，交保险费都仲要问朋友借，下个月仲有三份保单到期要交二万几，之前遇事手上无钱应急向银行借的二笔款又要还，我依家都唔知点死，跟住个仆街脑细真系衰到贴地！我老公只发瘟仲好意思提佢个仆街脑细曾经借过一万蚊比我，先唔好讲钱已经还咗，就论当年开厂我俩公婆决定二万蚊工资都舍弃跳槽过去帮佢，我觉得人情已经还到足咗，佢依家累我的已经唔知翻咗几多倍！我已经嬲咗好耐，好几次想入办公室，但最终忍住了，一来觉得佢自己要应付一大堆债我再逼佢好似不近人情，再讲，我一个女人去追佢要钱佢又无面，毕竟佢曾经帮过我，但唔追佢我自己又点办？处处都系要用钱的地方，我可怜佢边个可怜我？我唔追佢几时先识还钱？N年前因为佢我俩夫妻感情破裂，依家又搞得我日日想离婚
|
|
狗仔卡
发表于 2024-9-21 20:00
变色卡
抢沙发
楼主
