终于决定左结婚唔摆酒~！

a010511 · 发表于 2010-5-31 20:58

      虽然人地话结婚唔系两个人噶事，自己刚开始噶时候都有矛盾过，为面子吧，为身边旁人噶眼光吧，总系徘徊系摆定唔摆之间，觉得就算自己同老公无能力都要冲大头鬼！

   后来慢慢又觉得，其实摆酒只系一种形式，为左果个所谓一生人一次噶日子，耗尽几多人力、物力、资源、心血等等，大家辛辛苦苦做得好好睇睇就话好，做得唔好噶话，仲可能会引起双方家长噶唔满意，伤害左夫妻之间以后噶感情，何必呢？继我话，结婚其实只系求开心，求幸福，如果勉强去做D门面功夫，到头黎恐怕只会得不偿失，如果两个人系真心相爱，就算唔摆酒都会厮守一生，反之，曾经噶诺言又算得上咩？

      同老公决定左唔摆酒之后个人松晒，唔洗再受制于果D所谓噶繁文缛节，中意点就点，当然，老人家要求我地该做噶我地都会做噶~（80后都会好乖。。。），计划将原本结婚噶钱拿一部分去度蜜月，去一个我地都想去噶地方，过一个个真真正正属于我地“Honey moon”。