关于养狗嘅一D个人见解（一）

快乐开心熊熊

一、关于新狗返屋企
:) 其实宜家买狗都系要讲运气架~你运气好葛阵，可以以好平嘅价钱买到靓狗，如果运气唔好，就算明明系健康狗都养唔长。但系运气呢家嘢唔系自己可以控制嘅，如果唔系人哋D赌场就唔使开啦！
1、冬季同春季都系烈性传染病嘅高发期，所以我一直都建议人哋最好就无系呢2个季节入新狗，特别系幼龄狗。
2、新狗入屋之后要隔离2星期，观察过无问题、健康先好帮佢打疫苗（至于有D朋友仔贪平，系大沥买狗葛D点处理，系下面会讲到）。关于打疫苗我之前都犯过一个错误，就系系Q群上面有位朋友提到过法国维克，我当初真系未听过呢个牌子（系广州都系打英特威多，宜家维克已经好少人打啦，所以我未遇到过），所以就以为法国维克同梅里亚系统一个牌子，后来向我另外一位朋友求证葛阵先知原来系2个唔同嘅牌子，维克比较贵。O(∩_∩)O哈哈~有错就改就系好孩子！言归正传，我都系建议如果纯种狗就最好打进口，串串同中华田园犬打国产豆无问题。因为众所周知串串同中华田园犬嘅自身免疫力同纯种狗相比唔系相差一个档次咁简单吖~要讲原因就要从繁殖讲起勒（最怕就系要从远古时代开始叙述嘅勒。。。各位俾D耐性:am04： ）~话说串串之所以叫做串串或者我哋俗语所讲嘅番狗呢，系因为佢系2种或者2种以上品种所杂交所得嘅，从遗传角度嚟讲，杂交所得嘅产物一般都会优胜劣汰，所以到咗最后存活嘅都系集几种优点于一身嘅，不过呢个优点系宠物身上唔包括外观哦~中华田园犬就更加啦！纯种狗之所以系纯种就系因为佢无杂交吖嘛，如果系赛级嘅就更加血统纯正啦，基本上为咗保持佢血统嘅纯正、优良，一般都会选择近亲繁殖~阿叔配侄女、表哥陪表妹呢D经常发生，就好似人一样，近亲繁殖好易会有免疫缺陷或者天生畸形或者愚钝，如果唔系点解人哋会话串串会比纯种狗聪明吖？（其实呢个都唔系绝对嘅~边牧同埋贵宾识嘅技能，好多串串都望尘莫及啦~）以上赛级犬嘅繁殖我只不过系举例子等大家容易D明白嗟，唔系只只纯种狗都拥有赛级血统嘅，否则就唔会有犬种比赛同狗展啦，系咪？不过都系差唔多道理啰。如果讲到呢度都仲系有朋友仔唔明嘅，就问我啦。
3、上面就提到过打疫苗，宜家就讲下我对疫苗嘅一D见解。宜家国内最普遍嘅进口疫苗嘅就系荷兰英特威、美国富道、法国维克、法国梅里亚等等，不过其中呢4种系最常见嘅。之前都有人问我，究竟疫苗入边嘅二联、四联、五联等等究竟系咩意思。其实有养开狗嘅一般都了解过，几联其实就代表可以预防几种传染病，咁系咪联数越多越好呢？相信各位都听过咩叫做“周身刀，无把利”勒挂？其实系一样意思。上次听个狗友讲话佢哋D英牛系先打一针2联，再打二针5联，事后我自己搵过D资料嚟睇过，的确好似行得通涡~因为狗狗重大传染病无非都系犬瘟同细小（仲有一个冠状病毒，不过成年狗患此病一般唔会死亡），照原则嚟讲先打一针犬瘟细小疫苗说产生嘅犬瘟细小抗体就比打一针5联强~有心嘅朋友仔可以照此方法帮自己只狗狗咁样打架。无论咩狗种都好，我都觉得应该狂犬同传染病疫苗分开打好D，道理同上，毕竟狂犬系关系到好多人嘅人身安全架！反正每次都系打1针，无悭葛几十蚊啦。最重要嘅一点系打疫苗期间一定要保证狗狗嘅健康，因为疫苗一般都系弱毒苗，嗟系本身就含有不伤害到狗狗自身嘅病毒，但系如果你狗狗体质唔好嘅，就真系好易会拿嘢~所以免疫期间或者未做免疫之前千祈无帮狗狗洗白白，如果实在顶唔顺嘅，就干洗啰（虽然耗时无乜效果，不过点都好过臭哼哼吖！）。一般都系建议先打传染病疫苗，再打狂犬疫苗。

好啦，新狗入屋就暂时谂到咁多，有咩未讲到嘅希望各位狗友可以补充一下，或者有咩想知，但系我又无讲到嘅都可以讲出来架！:loveliness:

[ 本帖最后由 快乐开心熊熊 于 2010-4-24 17:24 编辑 ]

七前一丁

我养过金毛同萨摩，都系打英特威噶，进口针虽然贵D，但安全D吧！哈哈！LZ甘有养狗心德，到时有勿野唔识真系要请教一下先得啦:loveliness:

枫红一刀流

支持～～～～～～～～～～
:dabin8

快乐开心熊熊

:am04： 都系大家研究下嗟~:'( 本来昨日全部都整理好晒嘅啦，不过一时错手删晒，先搞到我要重新打过。。。

满仔

支持～～～～～～～～～～
:loveliness: