|
|
:L 今日俾人问起先知，原来昨晚三水新闻已经播咗昨日早上采访葛条新闻出来。。。比我想象中嘅效率高咗好多~
言归正传，因为当时太突然，所以有好多重点都无讲到，宜家补充一下:am04： 有咩讲错，讲漏嘅希望大家指正同埋多多包涵。
一、狗狗点解会中暑？
1、狗狗嘅皮肤同我哋人唔同，人系热嘅时候，会从全身嘅汗腺往外排汗以帮助散热，但系狗狗嘅皮肤汗腺并不发达，佢哋只系爪垫等比较少嘅几个部位有汗腺，所以可分泌嘅汗腺就好少，从而达唔到充分调节体温嘅作用。虽然狗狗们会系炎热嘅季节时张口结舌，急促呼吸兼且流出唾液以带走身体内更多嘅热量，但是毕竟佢哋唔可以正常排汗，亦唔会因为天气炎热而停止自己嘅活动，更加唔会随时照顾自己嘅身体去补水，所以，狗狗比我哋人类中暑嘅几率要高出好多倍!
2、狗嘅体温应该系37.5~39.2℃（幼犬正常体温38.2～39.2℃，成年犬37.5～38.7℃，通常早晨低，中午之后高，日差约为0.2～0.5℃）。如果体温升到40.65℃时，狗嘅内脏器官即开始受损，当体温到41℃嘅时候对狗狗来讲就属于高度危险，系高热嘅环境或者高温闷热嘅气候下，最短20分钟就有可能令到狗嘅身体系统衰竭而导致死亡。所以中暑系夏季或其他闷热天气条件下，对狗狗健康嘅最大威胁！
二、中暑嘅表现
四肢无力，皮肤灼热，神志不清甚至突然晕低。
1、通过行为判断是否中暑。多数气喘如牛嘅狗狗，只要补充些水分，并且系阴凉嘅地方休息一下就会恢复活力。但系当佢哋热过了头之后，中暑嘅反应亦随之而来。当狗出现急速喘息，躁动不安，狂吠和流口水嘅时候，就已经有中暑嘅迹象。跟住佢会呼吸困难、抬头引颈呼吸或目光呆滞，呢个时候如果再唔做适当嘅处理，狗狗就会休克、昏迷，最后导致死亡。
2、狗中暑嘅其他判断方法。要判断狗狗是否已经中暑，除咗通过佢外在嘅行为同反应来判断，主人仲可以用触摸或观察嘅方式来判断。例如宠物是否处于闷热、高温嘅环境下，体温系咪比平时高好多。或是从宠物腹部无毛嘅部位观察，皮肤有无出现潮红，泛出血点、血斑等情况，呢D都可能系中暑嘅迹象。
TIPS：如果狗想饮水嘅时候就可以饮到水嘅话，将会大大降低狗狗中暑嘅危险。但系狗狗有时会因为玩得过于兴奋而唔记得咗饮水，呢个时候主人一定要记住等狗狗安静落来，喂足佢身体需要嘅水。
三、急救措施
狗狗中暑嘅情况十分急促，所以系发现狗狗中暑嘅时候，主人自己实施急救比立即送医院更为重要同有效。
1、轻度中暑
症状：流口水、急喘、躁动。
解决措施：解开颈圈、胸带，降低环境温度。将宠物移至阴凉处或俾佢吹风扇或空调降温，再俾适量水分即可慢慢恢复（切忌即刻俾冰水佢饮，否则好易会导致崩溃）。
2、中度中暑
症状：呼吸困难、呈现呆滞状态。
解决措施：先用冰水淋湿宠物全身，或将佢半浸系水中。注意浸泡时唔好全用冰水，以免狗嘅体温急剧下降，一般用水龙头嘅水即可，紧急处理完后即刻送医院。
3、重度中暑
症状：休克昏迷。
解决措施：先用冰水淋湿或毛巾包裹全身，都可以用酒精擦拭降温，或者从肛门灌冷水入直肠，然后尽快送医院。送医院途中一定要注意将宠物只头放低、颈伸直，保持呼吸畅通兼且防止呕吐。
四、让您嘅爱犬清凉度夏
1、多准备D水盆，因为就算你为爱犬准备咗一大桶水，都有可能被调皮嘅狗狗撞翻。所以，作为一名细心嘅主人，都系系屋企多准备一D水，等狗狗想饮就可以饮到。
2、避免俾狗狗系烈日下暴晒，尽量将狗狗安置系空气流通、避免日晒嘅地方，必要时开住风扇吹佢，或者为极度怕热嘅狗狗开住空调。
3、狗屋、车库、花园或者其他简单嘅建筑物，都可以成为狗狗良好嘅遮阳场所。但系相对嚟讲，呢D场所嘅温度升得都会好快。作为一名细心嘅主人，你可以系呢D地方装一个温度计，随时观察温度嘅变化。或者你可以自己系场地内体验一下，如果自己都觉得唔舒服，咁怕热嘅狗狗就更加顶唔顺啦！
4、一辆停系太阳底下嘅车，唔使几分钟，车内嘅温度就会急速上升，所以主人千祈唔好将狗狗单独放系烈日下嘅车厢内，除非你想返嚟葛阵见到一只“Hot Dog”。如果你只系暂时落车一小段时间嘅话，都要将车停系阴凉处，打开DD车窗以保持空气嘅流通，并尽量系5分钟之内返回（否则就算你只狗无事，你部爱车都可能去咗二手车交易市场啦！）。
5、系凉爽嘅天气，狗狗嘅运动量就算大，都唔一定会体力不支，但系系炎热嘅夏季，狗狗嘅运动量一定要减少，避免等狗狗系高温，潮湿嘅天气做剧烈运动，该休息嘅时候一定要休息，兼且唔可以由得狗狗话点就点，无节制咁运动。
6、拥有飘逸、靓丽长毛嘅狗狗，不单止其他人见到觉得热，狗狗着住都肯定会热，所以定期帮长毛嘅狗狗做一D毛发嘅修剪，会令到狗狗容易散热，不过要注意修剪嘅长度同款式，剪得太短或者太难睇嘅话，狗狗都会唔好意思出门啦。
7、天气酷热嘅时候，尽量避免带狗狗上街。如果系一定要带佢上街嘅话，最好使用牵引带。尽量唔好将佢放系唔透气嘅宠物袋内。出门嘅时间最好选择系黄昏时分。如果你嘅狗狗十分怕热嘅话，可以帮佢带把太阳遮，或者带个喷壶系佢身上喷D水降温
8、夏日带狗狗外出游玩嘅话，尽量选择有水嘅地方，中意游水嘅狗狗既可以玩得开心又可以避免中暑，咁岂不是一举两得？呢个金毛特别推荐！O(∩_∩)O |
评分
-
查看全部评分
|
狗仔卡
发表于 2010-7-8 13:40
变色卡
抢沙发
