三水楼价真的虚高吗？

楼住有钱人 · 发表于 2007-5-12 11:55

呢个论坛比我最大嘅感受就係个个都话楼价高，甚至有好多人话係“虚高”，事实上係咪呢？我想比我今个五一做嘅调查比大家睇下。
4月29号开卖嘅东海蓝湾，推出351套，到现时为止，剩低唔超过60套。
恒达花园五一无新货推，佢只从旧年11月到而家总共推出约690套单位，而家卖剩唔超过80套，只係短短两周时间。
海畔卖咗年几，而家已经无新货，尾货都係剩噃100套以下，呢个楼盘总共好似1200-1300套货。
成业汇景卖紧最后一期，五一3期推得90几套，卖咗40套。
云东海果边，丽日天鹅湖，洋房剩低唔超过30套，别墅16套。
山水庄园，一期128套别墅除咗样板房果边，其他基本售罄。
爱伦堡，一期洋房110几套而家剩低个别嘅几套。

你可以唔相信我呢啲数据，你或者会问点解我攞到，我只可以话同行有同行嘅办法，而且我对呢啲数据仲係有信心的。
如果你相信上边嘅数据嘅话，你会发现各大楼盘都无乜余货，反应咩问题？就係三水市场嘅消费力仲係比较强，只係论坛上嘅各位睇唔到。市场决定价格，既然咁多人买，唧係话市场接受呢个价格，咁呢个价格就係真实嘅价格，而唔系某啲人所讲嘅“虚高”。如果係要话“虚高”嘅话，只不过係对你嚟讲啫。

ps：呢啲係我根据数据得出嘅分析，而呢个价格对我嚟讲，係高嘅！呵呵~