|
件事要从好远好远讲起，我系珠海人，1年前识咗宜家个佛山老公，今年过年后就嫁咗嚟佛山，过起甜蜜噶夫妻生活。因为老公家境比较富裕，工作又稳定，所以就叫我辞职喺屋企做个全职好老婆！前段时间老公怕我一个人喺屋企会好闷，就经常买小说比我喺屋企睇，有时间就做下家务，日子过得几休闲。点知越睇越上瘾了，我就经常去东方广场买书睇，后来老公话唔想我一个人喺出边走嚟走去，摞住D书又重，于是就帮我开咗个5蚊嘎手机阅读业务。之后我就日日系屋企刨书，没日没夜咁睇！哈哈，可能喺因为同我结婚之前做杂志有关挂，好多年前我嘎生活就离唔开书了！ 最近，老公嘎工作无咁忙嘎时候晚上都缠住我想爱爱，但每次都因为我挂住睇书睇到半夜而拒绝老公，久而久之老公就颇有微言了。慢慢我感觉大家噶感情关系差咗小小，但见老公又无提出嚟，我就无点在意，但估唔到事情发展到。。。。。。
上两日，老公好嘢下班翻嚟，见到未煮饭（当时快9点，我睇书睇到唔记得煮饭）发晒脾气咁闹我：“你有无搞错啊!我日日系出边辛辛苦苦咁赚钱养家，你就挂住喺屋企睇书，仲要搞到连饭都唔煮！你点做人老婆咖!!”
我：“当初喺你话我刚到佛山，人生路不熟，又怕我一个人喺屋企寂寞，喺你鼓励我睇书咖！而且个手机阅读都喺你叫我开嘎！点解你宜家反而嚟指责我啊！？” “我喺鼓励你睇书，但系唔喺比你睇到得意忘形，饭都唔去煮，连最基本做人老婆都唔识啊！咁噶老婆我娶翻嚟又有咩用！？” “你咁讲咩意思啊！！” “早知我当初就同啊欣结婚，唔选择你！”（啊欣喺佢前度女友） “既然佢咁好你米去搵翻佢咯！！” “好！咁我地就离婚啦！” 然后我老公就出咗屋企，已经三日无翻过嚟啦。 我宜家都唔知都点算好，我无亲戚朋友喺佛山，地方又唔熟悉，更加唔知道老公宜家去咗边，同D咩人一齐。我真喺觉得好无助，你地觉得我应该点算好？我中意睇书真喺有错吗？
| 
狗仔卡
发表于 2011-8-27 01:15
变色卡
抢沙发
楼主