经典真系够晒“经典”。。。有图有真相！

刘菌菌

话说，团购咗张经典59欢乐唱优惠卷，捻住今个星期6去唱。都知道佢如果提前一日订可能会冇房，于是我就提前喺星期三打过去订。
我：“我想订周六噶房。”
经典：“5知小姐几位，要中房订大房？”
我：“我系用拉手网噶优惠卷噶，想订间中房。”
经典：“哦，其实拉手网噶优惠卷提前一日订就得噶了，你睇过倒是确定几时来了再提前一日打过来订吖。因为而家我地主要系留房俾正价消费噶客人噶。”
我：“咁样啊，我怕到时打电话过来订5到房喔。”
经典：“应该5会噶，你到时打过来订就得啦。”
我都系惊住到时冇房，再三确认。
我：“系咪真系有房噶？咪到时太多人订搞到冇房喔。”
经典：“你到时早啲打电话来订就得啦，有噶！”
有佢呢句保证，我梗系大安旨意佢会有房啦。

咁周五一到11点10分（佢11点上班），我就打电话过去订房啦，知道佢会正在通话中噶了，好耐心咁继续打，打咗5分钟终于接通了。
我：“我想订星期六日场噶房。我用拉手网噶优惠卷噶。”
经典：“5好意思啊小姐，房已经比人订晒了。”
我：“5系啊嘛？早几日我捻住话早啲订噶，你地噶同事就话5需要咁急，提前一日打过去都有房噶咁话！”
经典：“咁5好意思啊小姐，可能系我地呢边噶疏忽。但系而家啲房已经比人订晒，早几日开始电话已经打到爆晒，八百几个电话，我地冇理由叫人地订咗房个啲客5好过来架？！”
我：“咁而家点样解决先？我人又约咗了，你而家一句话冇房，咁样我点同我朋友交代啊？”
经典：“我都冇可能帮你同你啲朋友逐一交代架。”
我：“咁样即系点啊？我喺你个边买咗几张票，但系你而家咁样噶服务，我真系好难再帮衬你噶喔！”
要讲到咁佢先肯退步。:em08：
经典：“小姐，咁样啦，我地星期六晚有间房，一系你同你朋友到时过来啦。”
我：“我地5要晚上！”
经典：“晚上5好么？越夜越激情吖嘛！”
我：“总之我地5想晚上！当初我系电话问清楚需要提前订房冇，你地边话提前一日打就可以，我先今日打电话来订房，点知道今日打来你又话冇晒房！”
经典：“小姐，我地拉手网噶优惠卷一般一日只留10个，而家周六日都已经比人订晒了。或者下个星期咯。下个星期未开始订噶。我地今次系第一次做拉手网团购，凡事第一次都会容易出错噶啦。我地已经道过歉，讲咗5好意思啦。希望你谅解一下。”
当时听到，我火都来埋！:em08：
我：“如果原本我只系今日先打过来问有冇房，你话冇我都认了。但系我之前有打过来，你话要提前一日早啲打过来订就得了。咁你地11点上班，我11点两个字开始打，你忙音，我一直打到11点三个字，终于接通了，你居然同我讲冇房？我一早朋友约晒，假都请埋捻住个段时间去噶，咁你话冇房，一句“撬”起我？！”
期间佢废话咗几句，见我依然坚持，终于肯退步了。:am03：
经典：“咁样啦小姐，你听日下午要来系嘛？我留一间自助餐噶房比你，只系预留10分钟，10分钟5见人就比第二个。5好带野吃同埋饮料。”
此时，佢语速已经好快，已经5想再同我讲落去了。。。
我：“咁好咯。”
经典：“咁小姐冇咩事就系咁先啦。”
跟住，佢就挂咗了。。。

以上就系我今日噶经历，讲出来大家评下理，睇下佢经典咁样噶服务系点？喺呢度都见到佢有发帖话吸取意见，但系就见5到佢有啲咩比较突出噶改变咯。希望经典真系会吸取教训。点解人地好乐迪咁远，啲人都仲肯扑到咁去吖？除咗佢之前便啲之外，就系人地5会咁样出尔反尔，自己内部冇沟通好，反而要啲客仔因为你噶内部噶出错而去迁就你地经典家！不过而家好乐迪做响个招牌之后，啲消费就越来越贵了。差不多一个星期一个价钱。。。喺三水真系好难稳到啲又便又好噶消费场所！:am09：

再一次声明，5系想话讨伐经典，只系希望佢可以比到一个好噶环境俾我地消遣娱乐。而5系好似我今日讲电话时，喺旁边听住我讲电话个野甘话，系“贴钱卖难受”。。。
再一次衷心希望经典会改正错误，越做越好，越做越优惠~~仲有，咪换啲好滴噶，米咁大间ktv只只咪都流到死，哎破喉咙都唱得5好咁。。。


以下系我今日用团购噶票佢消费噶情况：
不合理噶点唱机摆放，什么3D点唱喔，要人行到了“老年”咁远去点歌，一啲都5合理！

好简陋噶水果拼盘。。。人地好乐迪都有个造型吖。。。右手边幅图就系好乐迪噶了。

所谓噶大屏幕。。。分真系好“大”啊！！！

原本套餐系有份薯条噶，后来个靓仔话冇晒，就拿咗碟好袖珍噶酸萝卜来顶数。。。

总结今次去经典唱K：
1 服务态度有偏差，正价消费噶就系客人，我地团购噶就5系！
2 全部小食，都真系好“小”噶！！袖珍到吖。。。隙牙缝都5够啊！
3 啲咪差到吖。。。都冇晒唱歌噶欲望了。。
4 歌旧，啲mtv全部都系旧版来噶！仲话全新改版再出发喔。不由得由衷咁讲句：我呸！
归纳起来就系一句，便野冇好野！总之以后大家都系5好贪便贪近啊。。。见过鬼都怕黑了。。。:am07：

→揸fit人

唔知道详情，多谢提出批评。收到。

心怡

:funk:事件关注中，朋友也拍左，好在无拍多，就一张，而家听你咁讲法，都5知几时先可以定到房罗。太令人失望了。无咁大个头，5好学人戴咁大顶帽。

RヤDevils

回复 刘菌菌 的帖子

http://fs.meituan.com/deal/196657.html   去买好乐迪啦，好乐迪三水店又做紧优惠~~~

RヤDevils

回复 心怡 的帖子

http://fs.meituan.com/deal/196657.html  去买好乐迪的~~

千寻3

回复 刘菌菌 的帖子

仲打算约几个朋友过几日去经典唱K唱死它添！决定！改地方！:dabin11

ミ家有小猪ミ

我觉得主要係"拉手网"嘅优惠价导致佢哋睇唔起你嘅消费能力~~~真过份~~~

刘菌菌

回复 心怡 的帖子

就系咯。如果你要去，记得提前几日订房啊！仲要问清楚佢系咪真系有房啊！！！消费要谨慎！:am32：

刘菌菌

回复 千寻3 的帖子

都5系话想搞到佢冇生意噶，只系想等大家知道经典系一个咁样噶服务情况。希望你稳到好滴噶地方去搞生日啦~~

刘菌菌

回复 ミ家有小猪ミ 的帖子

嬲嬲地去消费佢几百蚊然后“唱”几百蚊1毫子去掷死佢:am07：