平民生活日记——夏天嘅河鲜

淼城人

傍晚，路过市场，霖起今晚冇乜餸，要买餸。



进入市场逛逛，见有价廉美味嘅夏季河鲜——黄鱼。







问价：细一D嘅4蚊一斤，一般嘅5蚊一斤。
我选咗一般嘅黄鱼，我叫倨称两斤，包劏！
疍家妇人称完后，交俾身后嘅老公劏鱼……其他档口都系夫妻拍档卖鱼嘅。






系市场口，见渔民两母女在路边卖开刀鲩，问说是自己捞获嘅河鲩。
问价：10元一斤，我指定买软边嘅一半，一称，半斤！先五蚊——底食！



夏天排汗多，用河鲩滚菜汤，既有鱼汤饮，又可用酱油点河鲩做餸，系本地夏季嘅家常。






买乜嘢菜好？节瓜、白瓜、冬瓜滚烫饮得多，白菜滚烫，前天才饮过……
见有农民自种，摞来市场卖嘅瓜软同豆角叶，帮村果个姨记。





卖菜嘅姨记服务好好！为咗方便我翻屋企快速煮餸，瓜软同豆角叶嘅脉络，免费帮手撕去，为咗快D搣完，仲叫旁边卖菜嘅姨记帮手撕。





晚饭，有汤、有鱼、菜也充足。食完饭后散吓步。

散步翻来，郁手洗干净事先用盐腌咗一段时间嘅黄鱼，洗干净后沥干水，然后自己动手香煎。






煎好黄鱼……梗系用黄鱼餸酒，饮翻D小酒，边饮酒边上网冲浪！网上到处睇睇。

淼城人

十元购回嘅河鲜，自己动动手，丰衣足食。
上天赐给水乡人嘅美食。
食大过天！广府人嘅生活哲理。

丶敲里马

黄鱼春才是最好食的！

AnswerL

大部分都系市场营销手法

沟晒D靓女

我食饭标配 腐乳 豉油油捞饭

奋斗的少年

九江比你几多广告费，我玉冰烧比多一倍你

9区小霸王

黑暗料理也是料理
我讲我自己

情变君

10蚊？河鲜？市场？呵呵！

炮灰

开渔了，河鲜便到你吾信。

随缘1014

我都是住沙头，可能近渡口，感觉沙头买河鲜会比较便宜