医师大会的收获——和各位狗友分享

快乐开心熊熊

       第四届华南小动物医师大会刚刚结束，我有幸参加今次嘅兽医盛会。系今次嘅大会上我除咗见到好多只闻其名，不见其人嘅兽医界大佬之外，仲系三日嘅课程上，学到好多疾病嘅诊疗，亦都见识咗好多新型嘅仪器同药物，简直获益良多！由此都更加坚定咗我系兽医呢条路上走落去嘅决心！
言归正传，今次想系“新三水”上同各位狗友分享下我系大会嘅所见所闻，同纠正之前嘅一D误区。为咗各位更加容易明白，所以我就尽量拣D简单易明嘅病例同各位讲，等各位有一个基本了解，如果各位想详细了解嘅话，可以直接来本店（狗久宠物服务中心）或者电话（18928581148）又或者QQ（76483579）详细咨询嘅，本人知无不言言无不尽，竭诚为各位服务！
      首先我将今次同大家分享嘅内容分为几大类：1、用药篇 2、幼犬常见病 3、老年犬常见病 4内科总结 5、小动物产科


（一）        用药篇
       本店由2010年开店至今，听过、见过、指导过狗友们无数次咁多使用人用药去治疗猫狗病，范围包括抗生素、抗病毒药、维生素类等等。经过我指导用人药来治疗小问题猫狗病嘅朋友相信都会记得我经常挂系嘴边嘅话“人用感冒药唔可以俾狗（猫）食，否则好容易导致胃溃疡同中毒”“人用驱虫药唔可以俾狗（猫）食，因为成分未必一样”。。。诸如此类嘅话。猫狗同人嘅生理结构系唔同架，所以系药物方面有D药理作用系相反嘅，譬如含有咖啡因嘅感冒药，人食咗会兴奋大脑同止痛，但系狗食咗会引起延髓脊髓兴奋过度而抽筋、昏迷，甚至死亡。咪以为不含有咖啡因嘅感冒药就可以俾狗食，人嘅感冒药都不外乎伪麻黄碱、扑热息痛等等，但系呢D西药成分对人来讲好小嘅分量，对猫狗都可能系致命嘅。睇到呢度，可能有D狗友就会话“你讲喈~我之前够有试过俾感冒药狗食啰，又唔见佢中毒？”系呢度我只可以赞你只狗大命！并且希望佢一直好运到寿终正寝~
       言归正传，咁猫狗唔舒服葛阵究竟俾咩药佢食最好呢？最佳答案就当然系宠物专用药啦！因为系宠物医药公司专门为宠物根据品种、年龄、体重、症状、病情等等各方面具体情况度身研究出来嘅药物。而且最重要嘅一点系，一般宠物专用药嘅成分都唔会系单一嘅，譬如主药嘅副作用系伤肠胃嘅，佢哋就会添加保护肠胃嘅副药入去制成一粒药，又譬如犬瘟用药除咗有干扰素存在之外，仲会另外添加增强免疫力嘅副药成分等等。如果按照利益最大化来讲，其实宠物药品公司最正确嘅做法应该系好似人药咁，每一种药嘅成分单一，一个病如果要一次医好嘅话，最好就每次食10种8种药，咁样先赚得多。但系宠物会唔会好似人咁，会自己主动乖乖哋食药呢？答案当然系NO啦！有D狗本性比较温纯，都容易搞D，不过都系4粒止，4粒之后再继续喂嘅话，就算熊熊咁温纯嘅贵宾，个样都好凄惨。。。猫嘅话就仲惨！就算平时最温纯嘅猫都喂唔到药架，除非佢自愿食~所以为咗迎合猫狗喂药嘅特性，宠物药一般都会带肉味、牛奶味或者甜味，尽可能可以等佢哋主动去食。
       咁如果系小问题嘅话，用人药辅助就当然无问题啦，以下呢个文件系我整理出来，猫狗出现小问题嘅时候，人用药嘅用法用量，希望对大家有帮助

药品类型	药品	作用	分量	注意事项
消炎药	氨苄西林	呼吸道、泌尿道、皮肤、软组织、肝胆感染	犬、猫：10~20mg/kg，每日3次
	阿莫西林—克拉维酸	消化道、化脓感染	犬、猫：10~20mg/kg，每日2—3次
	头孢拉定	呼吸道、泌尿道、皮肤、软组织感染	犬、猫：2.5~25mg/kg，每日2—3次
	头孢克洛	呼吸道、泌尿道、胆道、皮肤感染	犬、猫：10~15mg/kg，每日2次，空腹食
	舒巴坦	呼吸道、消化道、泌尿道	犬、猫：10~20mg/kg，每日2—3次	与氨苄西林合用效果更好。
	庆大霉素	呼吸道、肠道、泌尿道、败血症	猫：2.5~7.5mg/kg，犬：5~10mg/kg,每日2次	剂量一定要严格执行，否则易产生耐药性
	土霉素	呼吸道、尿道、皮肤感染	犬、猫：20mg/kg，每日2—3次	刺激性大，不用于全身感染，可局部应用
	阿奇霉素	呼吸道感染，   轻度至中度的皮肤和软组织感染	猫：5mg/kg,2日一次。   犬：5~10mg/kg，每日1—2次。	剂量一定要严格执行，否则易产生耐药性。   因对肠胃有刺激性，所以要与复合B配伍
	诺氟沙星	消化道、呼吸道、泌尿道、支原体感染	犬、猫：22mg/kg，每日2次	癫痫倾向犬不能用，禁用于妊娠母犬，4~28周龄幼犬慎用
抗病毒	利巴韦林	流感、副流感、疱疹病毒、腺病毒	犬、猫：5~10mg/kg,每日2次	妊娠犬猫禁用
	清开灵	流感、副流感、肝炎	犬、猫：2ml/kg，每日2—3次	抗病毒作用
镇咳	复方甘草片	镇咳祛痰	犬、猫：1~2片/次，每日3次
	氨茶碱	痉挛性支气管哮喘和心力衰竭的气喘，脱水	犬、猫：10~15mg/kg	（1）禁与Vc、氯丙嗪、肾上腺素配伍。   （2）肝功低下，心力衰竭犬、猫禁用
止泻	思密达	急、慢性腹泻	犬：1~5g/次，一日3次	首次剂量加倍
	妈咪爱	消化不良	犬：1~3条/次，一日3次	禁与抗生素同食，要间隔1小时以上。

未完待续。。。

kvving

非常好的贴。支持！:am14：

/ka/tp

支持··太棒喇:am14：:am14：:am14：

这辈子要定爱你

:am14：:am14：:am14：:am14：:am14：:am14：

豆叮

:dabin8

min309

:am02：:am02：:am02：